اي ييخان كؤنلوم ائوين قيل حذر افغانيمدان

ائوين آباد اؤلا ال چك دل ويرانيمـــــــدان



مني مجنون ايله فرهــــــــــاده برابر توتمـــا

من اوْلاردان دا هنرله گئچه ره م جانيمدان



بيرجه گل گؤر نه جفـــالر چكيرم زولفوندان

خبرين يوخدو سنين حــــــال پريشانيمدان



طعن ائدير ائل منه يارين نه وفاسيز چيخدي؟

اي وفـــــــاسيز دئميرم من بوني اؤز يانيمدان



سانكه باشدان باشا بير شعله آهيم گئجه لر

شمعلر اوْدلانيـــــر آه و دل سوزانيمــــــــــــدان



نيليرم من گولي يا لاله ني انصافيــــــم وار

اوْنلارين هانسي گوزه لدير رخ جانانيمـدان



واحدم عصريميزين ايندي كي فرهادي منم

كيم مني آيري سالار خسرو خوبانيمدان ؟