اربعین حسینی
حسینون نوحه سین (دلریش) یازاندا
مسلمان سهلدیر که کافر آغلار
کور اولموش گوزلرین قان توتدی شمرین
که گورسون اوزالینده خنجر آغلار
حسینون کوینگی زهرا الینده
چکر قیحا قیامت محشر آغلار
آتاندا حرمله اوخ کربلا ده
گوریدین دشمن آغلار لشگر آغلار
قوجاغیندا گوریدین ام لیلا
آلیب نعش علی اکبر آغلار
رباب نیسگیل دوشونده سود گورنده
علی اصغری یاد ایلر آغلار
باشیندا کاکل اکبر هواسی
یل آغلار سنبل آغلار عنبر آغلار
یازاندا آل طه نوحه سین من
قلم گوردوم سیزیلدار دفتر آغلار
علی شقق القمر محراب تیلیت قان
قولاق وئر مسجد اوخشار منبر آغلار
علیدن شهریار سن بیر اشاره
قوجاقلار قبری مالک اشتر آغلار